|
Purtroppo sul tubo e in rete non ho ancora trovato una "edizione integrale" delle vera storia de venessia cantada.
Fortunatamente, ho ritrovato una trascrizione che avevo fatto anni fa, quando ancora avevo la piastra per i vinili (e sopratutto i vinili!!! ...casso, i xe sparii!!!)
ma ecco il testo:
Ariva i barbari a cavalo
i ga do corni par capelo
xe na valanga che se buta
i ga la fame aretrata
i ga brusà tuto l'Impero
scampemo che i ne vol magnar.
Scampemo scampemo portemo le vache
le strasse, i peoci, i gati, le oche
monté tuti in barca ve spenzo col remo
ste fermi sino se rebaltemo
stà bona Luisa no state dar pena
te trovo na casa fora in barena
bona Luisa na casa se trova
stanote dormimo soto da prova
stà bona coversi el fìo che tosse
doman magnaremo polenta e pesse.
E co sta barca e sta laguna
tira la rede che la xe piena
fa pian Luisa che la se sbrega
vien su Venessia el sol la suga
ma vien marubio e i pirati
la nostra orada i sa robà.
Co le scage i sa fato na flota veloce
coi spini archi lance e frece
i squarta i te buta l'ogio che boge
el capo pirata se ciama Doge
le statue, i marmi, colone e ori
xe roba robada ai greghi e ai mori
le ciama belesse ma mi go paura
par un toco de marmo i me manda in guera
nati de cani i xe pieni de schei
e mi e Luisa magnemo fasioi
Venessia patria mia dileta
ti va de sgobo e po de grata
sotto il vessillo di San Marco
par sta Repubblica da sbarco
i ma mandà parfin in Cina
a romperghe i cojoni a Gengis Kan
Se parte dal mondo co na carovana
varda Luisa che bela che xe la Cina
rassi colorati, bachi da seda,
la povere pirica, la pansa de Buda
carica tuto fa su la tenda
el nostro paron cussì ne comanda
sta carovana no la go capia
semo cristiani e femo rassia
Luisa che ladro che xe Marco Polo
cori che i mongoli ne core drio
In Adriatico che lote
le navi torna a casa rote
spenze rabiosi gli infedeli
che vol robarne i monopoli
de la in Atlantico la Spagna
el novo mondo la ga trovà
Cristoforo Colombo gaveva ragion
el mondo xe tondo come un balon
co la Nina la Pinta e la Santa Maria
el porta a casa l'oro e l'argenteria
America America tera pressiosa
ma i indiani xe gente che xe permalosa
ariva i velieri i canoni spagnoli
Atzechi e Incas xe massacrai
par cossa parché dovemo copar
me par una falce sta cristianità
Varda Luisa che malani
sciopa la guera dei trent'ani
me fasso fià e sigo basta
me riva in boca na tempesta
i fiumi porta le carogne
e l'aria ormai se ga impestà
Scampemo scampemo che riva la peste
rancura le robe dentro le seste
coversi el fio con un pano de lana
canta Luisa che el fassa la nana
canta che i angeli buta na corda
che se tiremo su da sta merda
dormi bambin che 'ndemo su le stele
domani la Madona te da le caramele.
Che belo el mondo che saria
se no ghe fusse la Turchia
par sti domini d'oltremare
ne tocca far sempre cagnare
alla fin fine i ottomani
i ne ga fatto sbaracar
se torna tutti casa, se torna da le done
cavemosse le corasse che andemo de le bone
Luisa fatte bea, son pien de nostalgia
ti xe la megio al mondo, ti xe la patria mia
Ma i nobili sta mal par la disperasion
i oci che ghe brusa, le lagreme vien xo
"abbiamo perso tutte tutte le sostanse"
ma in riva del Brenta i ciama le maestranse
i se fa far le ville tutte bianche de candor
e co sti fassoletti.... ghe passa el rafredor!
Nel '700 gero in leto
e Pietro Micca poaretto
el sciopa su na polveriera
mi credevo fusse n'altra guera
ma qua Venessia xe tranquia
qua sciopa solo el carneval
Sucaro e coriandoli, piove in canalasso
Venessia xe na fritola co riva el zioba grasso
par strada ghe bagolo de maschere e giocolieri
ghe xe na sarabanda de pifferi e tamburi
Ancuo no se tribola e gnanca no se mazena
magnemo, bevemo, doman ghe xe quaresima
i conti e le contesse al balo i sa invità
e po' i se core drio co le mudande in man!
E cussì aprofitando de tanta confusion
quel rocheo de Giacomo Casanova... el scampa de preson!
Se Casanova xe un rocheo
Napoleone xe un bel cao
par far la paze col todesco
el na venduo... come un fiasco
e i austroungarici ne beve
... a la salute dell'imperator
Leon leon leon, ti xe deventà
povero, stecchio come un bacalà
l'aquila borbonica la ga do teste nere
semo deventai remi de galere
el mar no ghe se più, la gloria xe finia
par 'ndar fora de l'acqua se va in ferovia
"ehi, della gondola, qual novità?"
i dixe che stavolta l'Italia sa svegià
quel boia de Radetzky se ga ritirà
un secolo va via.... e un altro xe rivà!
El conte Volpi di Misurata
dato che el gera un patriota
el fa la guera sule barene
contro canoce e sepoine
el pianta in secca i sbarramenti
e i pessi più no li pol passar
Scampè scampè bisati, sfogi e paganei
le pompe tira l'acqua, se suga i canai
Ariva le peate che scarica la giara
dove ghe gera el mar adesso xe Marghera
i pessi fa pecà, no ghe xe più rispeto
i xe scampai tuti, come a Caporetto
Luisa xe el progresso, perché ti te lamenti?
Marghera da el lavoro, ghe xe i stabilimenti
co la Save, la Sirma e co i profumi de la Vidal
xe nata la prima zona industrial!
Quante richesse, quanto oro
gavemo fato col lavoro
mi voria saver co che dirito
lori ne ga spogià de tutto
voria saver parché se sigo
li me risponde col baston
Olio de rissino, el duce col baston
l'Italia xe nera come na preson
parte i legionari che va in Eritrea
i torna co la scabia, sifilide e diarea
E anca la Somalia xe deventà italiana
Vittorio Emanuele se magna la banana
sicome semo santi eroi navigatori
dovemo andar in Spagna tuti volontari
el maresciallo Guering i aerei ga mandà
a Guernica el ga fato... la prova general!
Co sto Benito e con Adolfo
el mondo brusa come solfo
po' dopo passa anca sta guera
e scomissia un'altra primavera
ma i ghe na fate cussì tante
che no se pol desmentegar
Pareva un bruto sogno, e invesse gera vero
quela notte che go visto in riva dell'impero
go visto co i me oci 7 fantoini
ligai co na corda in mezo a do lampioni
la gente de Casteo sigava "pietà"
na scarica de fogo.... e i oci go serà!
Aliprando Armelin, coi do fradei Gelmi
Bruno De Gasperi co Gino Conti
Girolamo Guasto e Alfredo Vivian
i xe morti tuti 7.... sigando libertà!
Credevo de tirar i spaghi
e invesse ballo el boogie boogie
la Repubblica ga vinto
gavemo el sindaco Gianquinto
ma proprio adesso sul più belo
el 48 el xe rivà!
El 18 aprile, le prime elezioni
ga vinto el Vaticano, va su i democristiani
a luglio na matina i ga sparà a Togliatti
i ne ga dito "fioi, ste boni fermi tutti
bisogna che sta rabbia se la metemo via
dovemo andar avanti co la democrasia"
e intanto lori roba de riffa e de raffa
i fa i prepotenti, i vol la legge truffa
co Scelba el baston lo ciama "manganeo"
el nome xe cambià..... però el xe sempre queo!
I ne ga fato un maleficio
i ne ga serà el cotonificio
i ne ga fato i tarochi
i ne ga serà anca da Stucky
i ne ga sonà le campane a morto
e i seppelisse l'Arsenal
Scampemo, scampemo no ghe xe più lavoro
Venessia a poco a poco deventa un simitero
xe na città decrepita, marsa patoca
la xe na strase e ossi, na vecia baldracca
Luisa no te digo, co riva l'acqua alta
el sangue me se gela, el cuor me se rebalta
e co sona la sirena me metto i stivali
e maledisso sta acqua che no se suga mai
la gente scampa via, ghe xe l'emigrasion
la gente vol le case che ga el termosifon!
Ariva i barbari a cavalo
i ga do corni par capelo
xe una valanga de sfrutai
studenti, done e operai
e a sto mondo de ingiustissia
lori vol darghe un morsegon
Ariva i visigoti, i vandali, i vichinghi
i riva co le barbe e co i cavei longhi
sciopa el 68 come na vampada
vien fora da le tane la rabbia ingrumada
riva i operai, la lotta dei contratti
varda i studenti che siga come matti
Luisa semo tanti, insieme semo forti
i ne voria far fora tenimo i oci verti
i ne ga messo le bombe, i ne voria fermar
i paroni ne ga fatto... le pezo infamità!
El 15 giugno, teo giuro
coi risultati el me vien duro
ma dopo meza setimana
el me deventa na gelatina
co sento le rogne che se trova
la nova giunta comunal
Debiti, debiti, magagne i na lassà
però tenimo duro, dovemo governar
sta crisi xe na barca granda come el mondo
o se salvemo tuti, o tuti andemo a fondo
in fondo no ghe vado sinò la xe finia
dovemo andar avanti co sta democrasia
Luisa el socialismo te lo giuro el vegnarà
e adesso te saludo.... che son stufo de cantar!
_________________
"noi risolviamoi problemi degli altri, specialmente quelli del mondo verso microsoft"
no cioe' che se e' via sms la faccetta ci sta, altrimenti devi farla in real.
...e dopo vanish e ambush
|
Login
Iscriviti
FAQ
Cerca
